Svona er guð góður!

Yndislegt

Kraftaverk á jólum: móðir og barn lifnuðu við

Fuglar á Hringbraut!

Nú ætla ég að koma með smá dæmisögu.

Ég sit hér í vinnunni minni, yndislegu sambýli á Hringbrautinni, nema hvað að hér eru allir svo góðir í sér og mega ekkert aumt sjá, hvorki íbúar né starfsfólk.

Við erum með fugla í fæði hér flest alla daga og forstöðukonan kom meiraðsegja í kastljósinu um daginn því það voru glöggir fréttamenn sem keyrðu framhjá og tóku eftir stórum fuglahópi fyrir framan..  Þeir borða rúsínur, epli og brauð af handriðinu og stéttinni af bestu list, og nú eru litlu þrestirnir orðnir svo feitir að þeir eru bara ekkert svo litlir lengur  

En ef maður venur sig á að vera góður við einhvern verður hann á endanum frekur, og það er alveg eins með fuglana.

Í morgun rölti einn fuglinn í rólegheitunum inn og stóð í ganginum og gargaði. Ég tók kúst og ætlaði að reyna að fá hann út með því að jugga honum, en hann flaug um allt húsið og ég og íbúar hér reyndum allt sem við gátum til að fá greyið út, hann hróflaði við styttum og gargaði og flaug útum allt á 2 hæðum.

 Það endaði með því að ég hringdi í lögregluna, og ég get sagt það með góðri samvisku að lögreglan hefur aldrei verið svona fljót á svæðið þegar ég hef hringt, útaf hinu og þessu, og það útaf fugli! En það er annað mál.. Þeir komu hérna tveir og leituðu og leituðu með kústi og laki, en þá var fuglinn auðvitað horfinn, og þeir héldu að við værum að gera at í sér og fóru haha .. Týpískt. 

En hér eftir ætla ég bara að gefa fuglunum smá að borða, ég nenni ekki að standa í þessu aftur, og aldrei hér fyrir framan heldur bara á B.S.Í  Þeir eru að gera mig vitlausa með garginu as we speak haha..

Ég ætla að fara og hella upp á kaffi handa okkur, allir uppgefnir svona á sunnudagsmorgni  Eigiði góða viku!

                          

Ho ho ho!

Jæja kæru vinir!

Ég fékk smá veruleikasjokk í gær þegar ég fattaði hvaða dagur var, og aðfangadagur í næstu viku! sjitt..

Ég er semsagt ekki búin að versla allar jólagjafirnar, og er að vinna alla helgina og alla næstu viku, líka á aðfangadagskvöld.. En við bara eldum hér saman í vinnunni og höfum það kósý einsog í fyrra  

Annars er barasta ágætt að frétta, við Gaui erum loksins búin að koma okkur alveg fyrir, og það er ekki tómlegt hjá okkur lengur  Bella er með sitt herbergi úti á svölum, og þurrkarinn kominn upp úr bílskúrnum og allt haha.. Ég er meiraðsegja búin að setja upp seríur  Svo er allaf planið hjá okkur Söndru að baka smákökur en við virðumst aldrei hafa tíma í það, ætli við bökum ekki bara nýárskökur í staðinn

Og ég er orðin hálf ljóshærð! Það er miklu bjartara yfir mér núna  

En svo er ég komin í aukavinnu á daginn, var alveg að rotna, engum hollt að vera í fríi alla daga! Var að breytast í iðjuleysingja hehe

Annars hlakka ég bara ofsalega til að það sé að koma nýtt ár, með nýjum áherslum og markmiðum  Það er ofsalega gott að skrifa markmiðalista um hver áramót, þá geturu alltaf séð hvort þú ert á réttri braut..

En hafiði það gott dúllur, og gleðileg jólin

Ykkar Þórunn Sylvía

                    

Jah, þetta hefði ég nú getað sagt ykkur!

Vísindamenn segja bara einn megrunarkúr virka: Borðaðu mikið, lítið, mikið, lítið...

Vísindamenn segja að nýjar rannsóknir sýni að eini megrunarkúrinn sem virki sé svo einfaldur að hrein furða sé að menn hafi ekki áttað sig á honum fyrr.  Hann felst einfaldlega í því að borða helming að því sem þú borðar venjulega annan daginn, og mikið daginn eftir. Þetta sé svo endurtekið eins lengi og þörf krefur - og þetta virki því svokölluð „mjónu-gen“ fara í gang við slíkt mataræði.

Eins og allir þeir sem einhvern tímann hafa farið í megrunarkúr eða aðhald kannast við, er fátt leiðinlegra en að telja kalóríur eða vigta mat í samræmi við matardagbók. Sérstaklega ef það virkar svo bara alls ekki.

En nú segja vísindamenn að loksins sé komin fram kúr sem ekki aðeins er sáraeinfaldur heldur virki hann - og að auki virðist hann minnka áhrif asma, lækki blóðsykur, minnki líkur á hjartasjúkdomum og brjóstakrabbameini svo eitthvað sem talið.

Kúrinn gengur undir ýmsum nöfnun - Víxldagakúrinn, Langlífiskúrinn og Skiptikúrinn svo nokkur dæmi séu tekin - en hann er alltaf jafn einfaldur.

Borðaðu mjög lítið einn daginn, helming af því sem venjulega borðar, og eins og mikið og þú vilt daginn eftir. Endurtakið fyrri daginn, endurtakið síðar daginn. Endurtakið eins lengi og menn vilja.

Þetta virðist virkja svokallað mjónu-gen sem hvetur líkamann til að brenna fitu.

Vísindamenn áttuðu sig fyrst á kostum þess að borða minna af kalóríum á fjórða áratug síðustu aldar. Þeir sáu að tilraunadýr sem voru stöðugt á slíkum megrúnarkúr lifðu að meðaltali 30% lengur en þau tilraunadýr sem borðuðu hefðbundið.

Dýrin reyndust vera með betra æðakerfi, færri sýkingar, betra blóðsykursmagn og líkur á skemmdun heilasellum voru mun minni. Og sjúkdómum sem tengdust elli fækkaði til muna.

En það er varla mannlegt að fara í gegnum ævina á slíku mataræði og því er slíkur megrunarkúr ekki ásættanleg lausn.

Dr. Mark Mattson, bandarískur taugalæknir, uppgötvaði svo árið 2003 að tilraunarottur sem settar voru á Víxldagakúr, það er að segja, borðuðu helmingi minna annan hvern dag, fengu allt það besta úr kalóríusnauða mataræði.

Sem sagt; það þarf ekki að svelta sig á hverjum degi til að grennast.

Þetta reyndist marka vatnaskil því nú var megrunarkúr sem raunhæft var að fara í og hafði að auki jákvæð áhrif á heilsuna komin fram.

Dr. James Johnson, höfundur bókar um Víxldagakúrinn, segir að þetta sé sáraeinfalt. Um leið og þyngdaraukning eigi sér stað er nóg að fara á kúrinn í nokkrar vikur og kílóin fjúki af.

Lesa má frekar um þetta merkilega fyrirbæri HÉR.

 

*Ég vinn annan hvern dag og hef gert lengi, þegar ég er í vinnunni borða ég venjulega mjög mikið en frekar lítið þegar ég er ekki að vinna, (ekkert of dugleg við að elda!) og ég bara fitna ekki sama hvað!)

5 algengar lygar meðal kvenna ;)

5 lygar sem konur þreytast ekki á að segja hver annarri

Konur eru snillingar í því að segja hvor annarri ósatt, sér í lagi þegar kemur að karlpeningnum. Markmiðin eru gjöful en þegar kemur að því að hughreysta kynsystur og vinkonur er ekkert fengið með því að fegra sannleikann. Ef gæjarnir hringja ekki eins og þeir hafa lofað eða eru sinnulausir í garð kvennanna sem þeir eru nýbúnir að kynnast þá er þeim ekki alvara. Jag Carro stefnumótaráðgjafi hjá Huffington Post veit hvernig karlmenn ber að varast.

 

1 – Hann er bara hræddur við þig. Jag Carro segist heyra þessa setningu vikulega og stundum oft í viku. Hún sé þó algert bull því ef maður vill konu þá leynir það sér ekki, alveg sama hversu flott, falleg, rík og þokkafull konan er.

 

2 – Konur elska menn sem koma illa fram við þær. Þetta er einn af frösunum sem stefnumótaráðgjafinn heyrir allt of oft. Hún segir að einhverjar séu svo óheppnar að falla í þessa gryfju en sannleikurinn sé þó sá að gáfaðar konur láti ekki spila með sig.

 

3 – Karlmaður fellur fyrir þínum innri manni. Áður en þú færð hjartaáfall þá má benda á að þegar til lengri tíma er litið falla menn fyrir hjartalagi og vitsmunalegum þroska kvenna. Hinsvegar skoða þeir umbúðirnar áður en þeir opna pakkann. Konur eigi að vera meðvitaðar um það besta í þeirra eigin útliti og eigi að rækta þá þætti. Ef konur eru með fallega leggi eiga þær að flagga þeim og ef hárið er sérlega fallegt eiga þær að beina athyglinni að því. Með svona trixum ættu þær að geta veitt þær bráðir sem þær þyrstir í án þess að þurfa að hafa mikið fyrir því.

 

4 – Hann stríðir þér af því hann er skotinn í þér. Þessi frasi er orðinn frekar þreyttur enda er þetta yfirleitt það fyrsta sem stúlkur heyra þegar strákarnir í bekknum byrja að stríða þeim. Þegar fólk er fullorðið virkar þetta ekki svona. Menn stríða ekki konum sem þeim langar að sofa hjá hvað þá giftast, allavega ekki þegar fólk er að kynnast.

 

5 – Það skiptir ekki máli hvenær hann vill hitta þig. Þetta er algert bull. Ef gæinn sem þú ert að hitta vill ekki hitta þig á föstudags og laugardagskvöldum þá getur þú gleymt þessu. Menn vilja eyða helgunum með þeim sem þeir eru skotnir í. Ef hann er ekki að hitta þig á föstudags – og laugardagskvöldum þá er hann að hitta einhverja aðra.

 

Ef þú telur þig vera að falla fyrir einhverjum af ofangreindum týpum skaltu taka til fótanna.

 

 

*stal þessu af www.pressan.is, mikið til í þessu!

Út í hött

Það er enginn greiði gerður með þessu, mætti halda að þessi dómari væri á lyfjum! Auðvitað á ekki að senda börn í fangelsi en þegar svona ungar stelpur haga sér svona er eitthvað verulega mikið að, og siðferðiskenndin í svakalegu ólagi. Afhverju ekki samfélagsþjónusta, langtímameðferð eða eitthvað sem gæti hjálpað? Því að með því að leyfa þeim að sleppa svona auðveldlega er ekki verið að gera neitt annað en að sýna lélegt fordæmi, auk þess að gefa þessum stelpum algjörlega röng skilaboð. Ætli þær hætti þessu héðan af?

Eins og blaut tuska í andlitið

Lyfin já!

Að sjálfsögðu á að fara að kenna lyfjunum um þetta, en ég veit ekki betur en að mjög margir íslendingar þurfi á svefntöflum að halda, (tíðnin er víst svakalega há!) og ég efast um að sá stóri hópur fólks sé að halda framhjá með allavega 10 manneskjum! Þvílíkur viðbjóður..

 

Eiginkonan farin frá Tiger

Sá þetta á einhverju bloggi og stal þar sem mér leiðist :þ

Fjögur störf sem ég hef unnið um ævina:

-        Barnapössun

-        Aðhlynning á elliheimili

-        Pizza Hut

-        Sambýli fyrir geðfatlaða

Fjórar bíómyndir sem ég held upp á:

-        Death at a funeral

-        American History X

-        101 Reykjavík

-        Íslenski draumurinn

Fjórir staðir sem ég hef búið á:

-        Breiðholtið

-        101 Reykjavík

-        Hafnarfjörður

-        Mosfellsbær

Fjórir sjónvarpsþættir sem mér líkar:

-        90210

-        Nætur/Dag og Fangavaktin ;)

-        Gossip girl

-        Ástríður

Fjórir staðir sem ég hef heimsótt í fríum:

-        Spánn

-        Tailand

-        Bandaríkin

-        Portúgal

Fjórar síður sem ég skoða daglega fyrir utan blogg:

-        Facebook.com

-       Er.is

-        Pjattrofur.eyjan.is

-        Pressan.is

Fernt sem ég held uppá matarkyns:

-        Brauð

-        Núðlur

-        Pasta

-        Allt Kínverskt

 

Afhverju er þessari konu ekki hent úr landi?

Það er augljóst að manneskjan kann ekki að skammast sín, gerir út á það að koma sér í fréttirnar, einnig var viðtal við hana í vikunni um daginn þar sem hún auglýsti sig sem konungsdóttur  eða eitthvað álíka. Augljóslega eitthvað klikkuð bara, afhverju er þessu fólki ekki hent úr landi??

 

Grunaðar um mansal og vændi

Tilveran í dag!

Komiði sæl! 

Ætla að koma með smá fréttir svona í lok sumars, enda mikið búið að gerast og lífið bara engan veginn eins!

Ég fór til spákonu í byrjun sumars einhverntímann og hún sagði mér hitt og þetta, og þetta er allt að rætast smátt og smátt

Ég er ss flutt upp í Breiðholt til hans Gaua, og mér líður einsog mömmu hans þessa dagana, enda þarf ég að klæða hann, mata hann og baða hann (djók) en hann er handleggsbrotinn á báðum, þýðir ekkert að segja við þessa karlmenn að mótorhjól og krossarar séu hættulegir, þeir hlusta ekkert!  En hann er ss með eðluna (krókodílinn hana Bellu) og svo kem ég með Trítlu og fiska, ég gef þessu viku hehe, Trítla mín verður búin að éta bellu ef ég þekki hana rétt! Verðum semsagt með dýragarð frammi í stofu  

  Svo er ég að minnka við mig vinnu þessa dagana, það er víst nóg annað að gera líka! En er strax komin með hugmyndir um aukavinnu haha, það er erfitt líf að vera vinnualki í dag!

En jæja, nóg um það .. Ég fór í smá ferðalag í lok sumars, ásamt Ólöfu, það gáfulegasta sem við höfum gert lengi! Vorum í nokkra daga og þetta var einsog að vera á heilsuhæli, barasta nýjar manneskjur! En á meðan á þessari dvöl minni stóð fékk ég hugmynd, þar sem ég eyði u.þ.b 20 minútum á dag í að mála ofan í augabrúnirnar á mér ákvað ég að fara í tattoo!! Hún móðir mín varaði mig nú við þessu en þar sem ég er ekki vön að hlusta á hana ákvað ég barað skella mér, og jesús kristur péturson, ég er strax byrjuð að gúggla "eyebrow tattoo removal" í hvert skipti sem ég fer í tölvuna! Reyndar er ég bara á leveli 1, það eru 2 skipti eftir og ég á eftir að ákveða þykktina, mamma sagði soldið fyndið við mig, hehe  Ég gæti verið á svona forvarnaplaggati fyrir unglinga, ég er með 4 tattoo sem ég þoli ekki, sílíkon sem ég hata, (margar íslenskar stelpur sem kannast við það!) og núna augabrúnatattoo!!  hahaha ... en neinei þetta venst  Mynd seinna!

Hafiði það gott krúttin mín,

Ykkar Þórunn Sylvía

 

Ps. fyrir tískufíkla vil ég benda á ofsalega sniðuga heimasíðu sem ég kíki oft inn á, algjör snillingur þessi stelpa, www.trend-land.blogspot.com

                                          

 

Ps. Ég átti mér víst tvífara í eyjum þetta árið! Nema að hún er með flottari hatt! Dem haha ... Við ákváðum sem betur fer að fara ekki á þjóðhátíð þetta árið, vinum og vandamönnum til mikillar gleði! ;)